La scola da muntogna Avrona è ina scola speziala per giuvenils cun difficultads d’emprender e da cumportament. En quella scola chattan ils uffants puspè forza e curaschi per pudair lura pli tard daventar independents e chattar ina plazza da lavur.
L'october ha la fundaziun da la scola da muntogna Avrona cumprà il restaurant Avrona che sa chatta en vischinanza da la scola sin il medem cleragl en il guaud.
Ina simbiosa ideala
Il profil directiv da la scola ha la finamira che uffants duessan chattar la dretga via en il mund da lavur. En il restaurant Avrona dastgan els ussa far las emprimas experientschas, en il service, en cuschina u en differentas lavurs administrativas. Durant quel temp vegnan els accumpagnads dals responsabels da la scola. Pass per pass duess la scolara u il scolar daventar independent e survegnir plaschair vid la lavur.
Nova manadra da gestiun per il restaurant
Claudia Kläger maina il restaurant dapi december 2018. Cler sa tracta qua d’ina sfida per omadus, uschia Claudia Kläger, ma ella è persvasa che questa collavuraziun vegn a funcziunar fitg bain. Gia oz è in scolar vidlonder a gidar ad installar il sistem da cassa e sustegna il service e quai funcziuna bain.
RR actualitad 07:00