Siglir tar il cuntegn

Header

audio
Litteratura: «Engadinerinnen» – il nov cudesch d'Angelika Overath
Or da Actualitad dals 19.02.2024. Maletg: RTR
laschar ir. Durada: 3 minutas 28 Secundas.
cuntegn

Scriptura Angelika Overath «Engadinerinnen» il nov cudesch da la scriptura da Sent

18 dunnas che vivan en Engiadina ha la scriptura da Sent descrit – dunnas cun ragischs engiadinaisas ma era da l'ester.

La scriptura Angelika Overath viva dapi radund 17 onns a Sent ensemen cun sia famiglia. En il cudesch surmenziunà descriva ella la vita da 18 differentas dunnas, da la magistra da scolina, la media, la schurnalista, la pura e guardiachamona ed anc da bleras autras professiuns. Dunnas tranter 25 e 83 onns.

En l’introducziun dal cudesch scriva Angelika Overath tranter auter:

A mai han interessà dunnas che n'èn betg preschentas en las medias, naginas dunnas cun mastergns spectaculars – ma dunnas che han lavurà cun passiun.
Autur: Angelika Overath scriptura da Sent
video
«Engadinerinnen» il nov cudesch da la scriptura Angelika Overath
Or da Telesguard dals 19.02.2024.
laschar ir. Durada: 4 minutas 9 Secundas.

«Engadinerinnen» – dunnas che vivan en l'Engiadina

Ella ha conscientamain tschernì dunnas ch’èn naschidas en l'Engiadina, dunnas che han bandunà l’Engiadina e talas ch'èn turnadas, ma era dunnas da l’Ollanda, dal Portugal e da la Germania – dunnas che vivan en l'Engiadina e betg mo dunnas cun ragischs en l'Engiadina, uschenumnadas engiadinaisas.

Angelika Overath ha scrit plirs cudeschs, ha retschavì differents premis, tranter auter era il Premi grischun da litteratura.

Or da l'archiv:

Angelika Overath survegn il premi da litteratura l'onn 2015.

video
Ina viseta tar Angelika Overath
Or da Actualitad dals 11.02.2015.
laschar ir. Durada: 3 minutas 6 Secundas.

RTR actualitad 17:00 / Telesguard 17:40

Artitgels legids il pli savens