Siglir tar il cuntegn

Header

cuntegn

Engiadina Scriver sez in toc teater vul fantasia e perseveranza

Sabina Cloesters è ina teatrista passiunada che gioga dapi onns teater a Schlarigna. Cun quai ch’il numer d'acturs masculins è adina puspè memia bass per tscherts tocs, ha ella decis da sezza scriver istorgias per il palc.

Uschia ha la dunna da 29 onns er pudì adattar las rollas a las persunas che giogan il teater. Spezial è quest onn er, che Sabina Cloesters n’è betg be l’autura dal toc «Alli und doch niemert - ä Gängschterkomödie», ella maina er la reschia e gioga al medem mument er anc ina pitschna rolla. Entant n’è ella pli persvadida da la soluziun e vul sa restrenscher in auter onn be sin ina funcziun.

audio
3 funcziuns en ina na funcziunescha betg bain
ord Total local dals 11.11.2016. Maletg: mad
laschar ir. Durada: 2 minutas 57 Secundas.

Teater per l’olma

La gruppa da teater da Schlarigna, la quala Sabina Cloesters presidiescha, represchenta dapi onns tocs en il mais da november. Ch’i sa tracta adina da cumedias haja er da far cul fatg ch’il november è gia stgir avunda.

Spezialmain en november vul la glieud simplamain pudair rir e giudair ina sairada da teater en cumpagnia
Autur: Sabina Cloesters autura ed actura, Schlarigna

Preschentaziuns

Avrir la box Serrar la box
  • Venderdi, 11 da november 2016 (cun trategniment dal Oberengadiner Jodelchörli e saut) a las 20:00
  • Sonda, 12 da november 2016 a las 20:00
  • Dumengia, 13 da november 2016 a las 17:00

en la chasa da scola da Schlarigna

Las ideas per in'istorgia vegnian a Sabina Cloesters dapertut e ed er da tut las uras. Uschia scriva ella er mintgatant ils chavazzins amez la notg sin ses telefonin per betg emblidar la scena. L’autura che è er enconuschenta per sias illustraziuns da figuras da comics, haja cumenzà cun la part d’amez dal teater e scrit scena per scena enturn quella.

Uss che la gruppa da teater ha trenà la cumedia da Sabina Cloesters, vesa la reschissura ed actura a crescher il toc bunamain sco in agen uffant, sco ch’ella di.

RR actualitad 11:00

Artitgels legids il pli savens