Siglir tar il cuntegn

Header

cuntegn

Engiadina Sculptura per rundella a Guarda: Turistic, futuristic, abstract

A Guarda èn vegnidas preschentadas las ideas per la realisaziun d’ina sculptura amez la rundella tar l’entrada da la via Engiadina en direcziun Guarda.

Ina giuria da Guarda ha evaluà ils 13 projects ch'èn vegnids inoltrads per la realisaziun d’ina sculptura amez la rundella avant il vitg. La fin finala han els gì da decider per trais favurits.

Ina saiv da segirezza radunda ha fat la cursa

Trais saivs da segirezza (Leitplanken) ina sur l’auter en furma d’in rintg e colurada sco la natira, giusut grisch, amez verd sco l’erva e sisum blau sco il tschiel. L’automobilist duess avair l’impressiun da vesair la natira che passa spert sperasvi, cumparegliabel cun vesair or dal tren sin la natira che passa sco in film sperasvi.

audio
Turistic, futuristic o abstract - la rundella a Guarda
ord Actualitad dals 20.04.2018. Maletg: RTR, Georg Luzzi
laschar ir. Durada: 2 minutas 51 Secundas.

Uorsin da la stgella – nagina schanza

Segir che divers avessan spetgà ina sculptura cun il tema Uorsin. Per il president da la giuria Thomas Lampert, n'era quai betg in tema. Guarda porscha anc bler auter, las ideas en connex cun Uorsin eran bainspert giud maisa.

La decisiun finala n’è anc betg crudada, quella fa la suprastanza communala che dastga ussa decider per ina da las emprimas trais ideas premiadas.

RR actualitads 07:00

Artitgels legids il pli savens