Suenter che ses bab ha fatg divers onns ha er il figl Dumeng Spiller organisà sur bundant quatter decennis ils funerals en Engiadina Bassa. Sco mainagestiun dad ina scrinaria era quai ina lavur enorm intensiva.
Questa lavur ha laschà enavos fastizs, perquai ha jau decis da chalar.
Tar falegnameria Spiller a Scuol lavuran nov collavuraturs. Organisar dasperas sepulturas era ins sfida, oravant tut causa la prontadad e flexibilitad. Dumeng Spiller ha organisà radund 1'000 mortoris ed ha ussa decis da chalar e surdar en mauns professiunals.
Mo in affar per tut l’Engiadina
La Alpina Bestattungsinstitut AG cun sez a Samedan surpiglia a partir da subit era la regiun da l’Engiadina Bassa, uschia Rico Freiberger, sez gia dapi 13 onns en quel metier.
Per la firma vul quai dir anc dus collavuraturs/as dapli che lavuran en Engiadina Bassa.
Tar in accident u era tar in mortori a l’ospital u a la chasa d’attempads ston ins reagir entaifer curt mument, perquai èsi impurtant ad avair il persunal en vischinanza.
La Alpina Bestattungsinstitut SA surpiglia las lavurs da la firma Spiller da Scuol a partir da subit.