Siglir tar il cuntegn

Header

Navigaziun

cuntegn

Scuol Chattà dunna ch'era sparida

Gievgia avantmezdi han las equipas da salvament chattà ina dunna da 85 onns ch'era sparida dapi la mesemna a Scuol. En in'acziun da suga haja la REGA pudì salvar la dunna dementa ord terren mal accesibel e sgular ella en l'ospital. La dunna ha stuì passentar la notg en il liber ed è blessada mezgrev.

Gronda acziun da tschertga

In center da seniors ha manà tras la mesemna cun ina gruppa in'excursiun tar il bain ca chavals Son Jon a Scuol. Sco quai che la polizia communitgescha è la dunna s'absentada inobservà d'in excursiun da gruppa e betg pli vegnida chattada. La tschertga è vegnida instradada immediatamain. A la tschertga han prendì part members dal CAS da la secziun Engiadina Bassa, ils pumpiers Pisco sco era la polizia chantunala dal Grischun. Totalmain eran dapli che 40 persunas en acziun.

RR novitads 18:00