Siglir tar il cuntegn

Header

cuntegn

Scuol Classics «La novavla sinfonia da Beethoven» a Scuol

Musicantas e musicants da l’America, Asia ed indigens sa radunan en occasiun dal giubileum 500 onns Stadi liber da las Trais Lias, il fundament dal chantun Grischun.

L’idea è naschida avant radund dus onns dal musicant e dirigent dal Golden Gate Symphony Orchestra and Chors Urs Leonhard Steiner ch'abita dapi 40 onns a San Francisco e durant la stad a Scuol.

audio
9avla sinfonia da Beethoven: Nov project da Scuol Classic
ord Actualitad dals 23.01.2024. Maletg: RTR
laschar ir. Durada: 3 minutas 6 Secundas.

A chaschun dal giubileum 500 onns Stadi liber da las Trais Lias, il fundament dal chantun Grischun, vul el ensemen cun la societad indigena «Scuol Classics» organisar il concert cun radund 180 musicantas e musicants, chantaduras e chantadurs. L’orchester surmenziunà survegn sustegn da studentas e students da differentas citads da l’Asia, organisà da l'Institut Otalpin a Ftan. Plinavant fan part radund 70 chantaduras e chantadurs indigens.

Glindesdi saira ha gì lieu l’emprim inscunter, il uschenumna tact inizial da quest project communabel. Il project vegn a custar radund 450’000 francs, finanzià a mez da fundaziuns, sponsurs, chantun e regiun e l’autra mesadad cun las entradas dals concerts, uschia ils organisaturs da la societad «Scuol Classics».

Ils quatter concerts han lieu dals 13 enfin ils 16 zercladur en la halla da Gurlaina a Scuol. Ils organisaturs fan quint cun radund 4'000 aspectaturas ed aspectaturs.

audio
Per tadlar curt e cumpact
ord RTR Audio dals 23.01.2024.
laschar ir. Durada: 1 minuta 11 Secundas.

RTR novitads 06:00

Artitgels legids il pli savens