Anteriurs presidents e vicepresidents da las fracziuns avevan sa mess a disposiziun per l’emprima perioda d’uffizi suenter la fusiun a la vischnanca da Scuol. Quels sa retiran – novs chaus èn dumandads. Sulettamain il capo sez sa metta a disposiziun per in'ulteriura perioda d’uffizi da 4 onns.
Ina schanza per il turissem e mastergnanzas
Uffizialmain n’è anc betg enconuschent, sch'i dat gia candidats che sa mettan a disposiziun. Da singuls han ins udì, ma quels ston ussa annunziar lur interess. La vischnanca sezza na dastga betg vegnir activa en la tschertga da candidats. Christian Fanzun, il president communal, vesa qua ina gronda schanza per la mastergnanza ed oravant tut per il turissem.
Ma era las partidas politicas èn vidlonder a chattar lur candidats. Il cumbat electoral ha entschet. Ils 23 da settember han lieu las elecziuns per la suprastanza communala, per la cumissiun da gestiun ed era per il cussegl da scola per ils proxims quatter onns.
RR novitads 12:00