La vischnanca da Scuol prevesa ina perdita da radund 430'000 francs per l’onn 2022. Il preventiv quinta cun sortidas da 54,1 milliuns francs. Ed il quint d’investiziuns 2022 prevesa investiziuns nettas da 13,2 milliuns francs. Plinavant ha la radunanza communala da Scuol era decis da laschar il pe da taglia sin 100% da la taglia chantunala simpla.
Credits per protecziun d'auas grondas, bogn e vias
Il suveran da Scuol ha ditg Gea ad in credit da dus milliuns francs per in project da protecziun cunter auas grondas en la fracziun Pradella, dà in emprest annual da 1,5 milliuns francs al Bogn Engiadina Scuol sco er approvà la sanaziun da la punt Gurlaina per 800'000 francs. Plinavant han ils da Scuol dà glisch verda a divers projects da sanaziun da vias, provediment d’aua , chanalisaziun e projects forestals.
Ord l'archiv
La radunanza communala da Scuol ha decis senza cuntravuschs ils 15 november 2021 da realisar il project. Las lavurs vegnan realisadas ils proxims dus onns.
