Siglir tar il cuntegn

Header

cuntegn

Engiadina Scuol: L’artg son Martin sto davent

Nunenconuschents han colurà l’illuminaziun sur la punt tranter Scuol e Vulpera. Per motivs da segirezza sto quella illuminaziun uss vegnir allontanada.

Malgrà che quella colurada plascha a blers, sa tracta en quest cas da vandalissem – quai tenor la vischnanca da Scuol. Ils responsabels prevesan perquai da refar il donn e d’installar in nov sistem cun in'illuminaziun pli decenta e che reagescha, cur che in peduns chaminan sur la punt tranter Scuol e Vulpera. La situaziun actuala na correspundia numnadamain betg a las mesiras da segirezza necessarias. Perquai duai il donn proximamain vegnir refatg.

Il november da l’onn passà avevan nunenconuschents sprizzà differentas colurs sin l’illuminaziun. Sin quai aveva la vischnanca inoltrà in plant cunter nunenconuschent. Fin oz n'è il delinquent betg vegnì chattà.

RR novitads 06:00

Artitgels legids il pli savens