Siglir tar il cuntegn

Header

video
Hotel Arnica a Scuol survegn sustegn d'ustaria da Turitg
Or da Telesguard dals 18.12.2020.
laschar ir
cuntegn

Scuol L'hotel Arnica survegn sustegn d'ina ustaria da Turitg

L'hotel Arnica a Scuol quinta mintg'onn radund 12'000 pernottaziuns. El è cun quai in dals gronds hotels a Scuol. L'hotel Arnica è dentant in garni, porscha damai mo ensolver. Tant pli problematic eran per l'hoteliera Martina Zogg las restricziuns dal chantun Grischun.

audio
Entaifer paucs dis organisà ina ustaria da pop-up ed installà ina cuschina professiunala
03:26 min, Actualitad dals 18.12.2020.
laschar ir. Durada: 03:26 minutas.

Offerta d'agid

Martina Zogg è perquai daventada creativa. Ella è sa regurdada d'ina offerta d'agid dad in ustier da Turitg. Entaifer paucs dis ha l'hoteliera damai organisà ina ustaria da pop-up ed installà ina cuschina professiunala. Il schef cuschinunz da l'ustaria Neumarkt, Matze Schendel, ha organisà il rest. Cun questa collavuraziun pon els porscher mintga saira a maximalmain 66 giasts ina tschaina.

Situaziun da win-win

Per tuts dus affars saja quai ina situaziun da win-win. L'ustaria Neumarkt è spezialisada sin banchets e fiss uschè u uschia serrada sur ils dis da festa e quest onn er il schaner e favrer. E dad avrir l'hotel Arnica per la stagiun d'enviern senza pussaivladad per ils giasts da pudair ir a mangiar en in lieu tschaina, na fiss stada nagina opziun per Martina Zogg.

Sche l'ustaria vegn era en avegnir a restar ina part da l'hotel Arnica na sa l'hoteliera anc betg dir. Ed era betg cler è, quant che quest'acziun vegn a custar ella. Per Martina Zogg è dentant cler, laschar serrà l'hotel fiss stà pli char per ella.

RTR actualitad 17:00

Artitgels legids il pli savens

Scrollar a sanestra Scrollar a dretga