Il november da l’onn passà ha il suveran da Scuol acceptà l’iniziativa dal princip da transparenza. Uschia ha la suprastanza communala da publitgar a partir da quest mais ils protocols da lur sedutas. Tras la publicaziun sin la pagina d’internet da la vischnanca da Scuol saja il Mas-chalch, il fegl d’infurmaziuns da la vischnanca da Scuol, inutil, ha ditg Andri Florineth, il chanzlist da Scuol ad RTR.
Scuol ha perquai decis d’abolir il Mas-chalch, ch’è cumparì ina giada il mais en furma d'ina pagina entira en la gasetta da la Posta Ladina. Quest’emna vegnian ils protocols per l'emprima giada publitgads online.
audio
Per tadlar curt e cumpact
ord Novitads dals 27.01.2022.
laschar ir. Durada: 1 minuta 1 Secunda.