Siglir tar il cuntegn
Inhalt

Engiadina Scuol: Minus per la Bogn Engiadina SA

Ils minus tar entradas e tar svieuta sa manifesteschan en las cifras da la Bogn Engiadina SA: il quint annual serra cun in deficit da 107’700 francs ed il deficit da gestiun importa 1,35 milliuns francs.

il batschigl extern.
Legenda: Ina da las raschuns per il deficit dal BES: ils fundaments dal batschigl extern. ANR

18 acziunaris e cun els 13’738 vuschs d’aczias eran preschents il venderdi a la 14avla radunanza generala da la Bogn Engiadina Scuol BES SA, cura ch’il president dal cussegl d’administraziun Gion Fravi ha fatg bilantscha da l’onn da gestiun passà.

BES SA: curaschi malgrà las cifras

Malgrà che Fravi ha stuì annunziar «era quest onn» cun in - 6% in resultat main bun co l’onn avant haja el curaschi, cun quai ch’ins haja pudì constatar quest enviern «a Scuol i’l turissem malgrà la paca naiv mo in pitschen regress».

Gerhard Hauser, il directur dal BES, vesa sper l’aboliziun dal curs minimal da l’euro er anc in’autra raschun per il minus da 600’000 francs tar la svieuta – numnadamain las lavurs da revisiun. Previsa era la revisiun ordinaria da la halla dad entrada ed il batschigl extern. Cunquai che «la fundamenta da quel era en in stadi bainquant pli nausch che spetgà» hajan las lavurs durà 13 enstagl da 7 emnas.

Custs dad 1.35 milliuns per Scuol

Per Scuol signifitga las cifras cotschnas da la BES SA che la vischnanca ha da surprender il deficit da gestiun dad 1,35 milliuns francs.

La radunanza generala ha en pli elegì cun Joachim Koppenberg, il directur da l’Ospital da Scuol, in ulteriur commember en il cussegl administrativ da la BES SA. Koppenberg è manader designà dal Center da sandà Engiadina Bassa CSEB.

RR novitads 12:00