Siglir tar il cuntegn

Header

video
Tge vul Scuol cuntanscher cun in promotur d’economia?
Or da Telesguard dals 09.05.2018.
laschar ir. Durada: 2 minutas 30 Secundas.
cuntegn

Engiadina Scuol: Niculin Meyer è il promotur d'economia

La suprastanza communala ha elegì il vicedirectur da l'organisaziun turistica Engiadina Bassa, Val Müstair e Samignun en quest post. Niculin Meyer cumenza sia lavur sco promotur d'economia il prim d'october.

L'incumbensa dal promotur d'economia è tenor indicaziuns da la vischnanca da iniziar, manar ed accumpagnar projects datiers da l'economia. Plinavant è il promotur d'economia er persuna da contact per la collavuraziun e la coordinaziun da las activitads cun ulteriurs exponents, impurtants per il svilup communal. Tar tut quai vai per realisar concretamain il program da svilup per la vischnanca «Agenda 2030» sco maun dretg dal president communal.

Niculin Meyer
Legenda: Niculin Meyer è il nov promotur d'economia da Scuol. ANR, Flurin Andry

Cumplementar tar turissem e sviluppaders regiunals

Tant la vischnanca da Scuol sco er il chantun èn da l'avis ch'in tal promotur communal na saja betg ina concurrenza per ils sviluppaders regiunals. Sin dumonda da RTR han divers exponents menziunà, ch'il promotur d'economia saja plitost cumplementar tar ils sviluppaders regiunals e las destinaziuns turisticas.

Niculin Meyer sez n'è betg stà cuntanschibel per ina posiziun.

Mayer banduna turissem

Sco la directura da l'organisaziun turistica Engiadina Bassa, Val Müstair e Samignun ha ditg envers RTR, saja ella bain in zic trumpada da perder Niculin Meyer sco vicedirectur. Cun sia experientscha saja el però in grond gudogn per la vischnanca, gist er cura ch'i giaja per collavurar cun il turissem. Sch'i giess tenor Martina Stadler, fissi il meglier dad avair el en omadus posts. Quai na va però betg cun quai che la plazza tar la vischnanca è ina plazza cumplaina.

RR novitads 11:00

Artitgels legids il pli savens