Siglir tar il cuntegn

Header

regal plain ordinaturs
Legenda: Ils iniziants pretendan il principi da transparenza chantunal sin nivel communal. Keystone
cuntegn

Scuol Populaziun vul dapli transparenza

A Scuol dat l’introducziun dal princip da transparenza sin nivel communal da discurrer. En num dals iniziants ha Dumeng Bischoff surdà l’iniziativa cun passa 420 suttascripziuns – 150 fissan necessarias. La finamira saja d'introducir il princip da transparenza sin nivel communal.

Sin nivel da l'administraziun chantunala vala il princip da transparenza dapi l'atun 2016: La secretezza resta uschia l'excepziun, ed il dretg da prender invista è la regla. Tge che las autoritads fan, duai pia esser public, transparent e chapaivel.

Sco il president communal Christian Fanzun ha declerà a la radunanza communala, veglian ils iniziants che la vischnanca surpiglia il model chantunal. La suprastanza propona però il model d’ina autra vischnanca ed ha elavurà in sboz da la lescha. Las differenzas sajan minimas, uschia Fanzun. Uss examineschia la suprastanza l’iniziativa e decidia suenter d’acceptar quella u da suttametter a la radunanza communala ina cuntraproposta.

En pli ha la radunanza communala approvà il rendaquint da l’onn passà. Quel serra cun in gudogn da radund 6,9 milliuns francs.

RTR novitads 06:00

Artitgels legids il pli savens

Scrollar a sanestra Scrollar a dretga