Scuol – radunanza communala sustegna cuntraproposta

Cun ina maioritad da dus terz ad in terz sustegna la radunanza communala da Scuol la cuntraproposta a l’iniziativa da parcar.

Purtret da la chasa communala a Scuol. Bild in Lightbox öffnen.

Legenda da maletgs: La suprastanza communala ha elavurà ina cuntraproposta tar l'iniziativa «Daplü per cumprar – damain per parcar». ANR, Benedict Stecher

La stad 2016 è vegnida inoltrada a Scuol l’iniziativa «Daplü per cumprar – damain per parcar». L’iniziativa pretenda ch'il parcar sin plazzas da parcar uffizialas en la vischnanca da Scuol saja gratuit per mintgin. Passa 500 abitantas ed abitants da Scuol han suttascrit l’iniziativa.

Sin quai ha la suprastanza communala elavurà ina cuntraproposta e suttamess quella a la radunanza communala. Cun ina maioritad da dus terz ad in terz ha la radunanza sustegnì la cuntraproposta da la suprastanza e decis uschia da suttametter quella a la votaziun a l’urna.

Ils abitants da Scuol pon uss decider ils 4 da mars dal 2018 a l’urna davart la cuntraproposta a l’iniziativa da parcar. Era l’iniziativa che n’ha betg chattà ina maioritad tar la radunanza communala vegn a l’urna.

RR novitads 06:00