Cun consentiment dal plan regiunal da l’Engiadina Bassa/Val Müstair ha la regenza grischuna prendì cogniziun da quest project da colliar las regiuns da skis da Scuol e Samignun. Sin maisa è questa idea gia ditg, per il mument resta ella però anc sin il palpiri.
Il clima che maina adina pli pauca naiv en las regiuns bassas, adina pli paucs che van cun ils skis ed ils custs per mantegnair regiuns da skis èn fatgs che pretendan innovaziuns da las regiuns da skis. Bleras regiuns èn però dependentas da quel martgà. Per attrair er en l'avegnir ils skiunzs en las muntognas èn quellas regiuns sfurzadas da sviluppar novas ideas e d'engrondir lur territoris.
Entant che instituziuns sco il WWF cumbattan tals engrondiments pervi da la protecziun da la natira, èn experts da turissem persvadì ch'engrondiments da territoris da skis èn impurtants per mantegnair l’attracziun da las regiuns da skis. Skiunzs vulan ina vasta purschida. Pitschnas regiuns ston far en avegnir ponderaziuns sur da l'avegnir.
RR actualitad 11:00