A Scuol Sot na datti bainbaud nagin Volg pli. La butia dal vitg vegn serrada la fin da mars da l'onn che vegn, quai malgrà che la populaziun è sa dustada cun ramassar passa 270 suttascripziuns. Er la vischnanca è vegnida activa ed ha tschertgà il dicurs cun ils responsabels dal Volg, dentant senza success. – sco la «Posta Ladina» rapporta.
La butia fetschia memia pauca svieuta ed en las localitads stuessan vegnir fatg investiziuns da 470’000 francs ils proxims onns. Las collavuraturas ed ils collavuraturs hajan la pussaivladad da lavurar en in'autra filiala en la regiun.
En las fracziuns da Scuol datti anc pliras fatschentas da la marca Volg. Uschia ad Ardez, Ftan, Guarda, Scuol e Sent.
audio
Per tadlar: las novitads da las 08:00
ord RTR Audio dals 16.08.2023.
laschar ir. Durada: 4 minutas 20 Secundas.