A l'ur dal vitg da Scuol èsi previs da realisar il stgaudament a distanza. Trais lingias duessan lura manar l’aua stgaudada directamain als affars, hotels, il Bogn Engiadina e pli tard era a tut la chasa da scola. Plinavant han era affars privats la pussaivladad da profitar da quest stgaudament e schizunt era privats en vischinanza da las lingias. La radunanza communala ha gia consentì il project. L'avrigl vegn quel suttamess al suveran.
In project da set milliuns
A Suot Ruinas, sin l’areal en vischinanza da la firma da rument Crüzer èsi previs da bajegiar.
Quel lieu ha l’avantatg ch’el na disturba nagin ed è bain cuntanschibel per camiuns per manar la laina.
Igl è previs da realisar trais lingias. La lingia ost en il center ha la pli gronda urgenza. Quella duess manar l’energia regenerabla als affars sco per exempel l'hotel Belvedere, il Bogn Engiadina ed era ils affars per lung la via maistra. Pli tard preves'ins anc ina lingia enfin a Tulai da l’autra vart dal vitg ed ina lingia per la realisaziun da la scola.
Ils 19 d'avrigl decida la populaziun da Scuol. La realisaziun è previsa a partir da l’atun da quest onn.
