Scuol sustegna il center da cultura Nairs

20'000 francs l'onn per il center da cultura en Engiadina Bassa.

Nairs Bild in Lightbox öffnen.

Legenda da maletgs: Nairs Il center da cultura Nairs che vegn actualmain renovà. RTR, R. Mayer

La suprastanza communala da Scuol ha decidì da sustegnair il center da cultura Nairs cun 20'000 francs l'onn, quai enfin l'onn 2018. Quai communitgescha la vischnanca da Scuol. Il cussegl communal da Scuol argumentescha, ch'il center da cultura Nairs haja ina gronda impurtanza per la regiun Engiadina Bassa.

Il center da cultura vegn actualmain sanà, l'avertura è planisada per l'avust da quest onn. Uschia paja Scuol per ils 5 mais ch'il center è avert quest onn 8'300 francs. Per ils onns 2017 e 2018 datti lura l'entira summa da 20'000 francs. Nairs survegn en pli 80'000 francs dal chantun Grischun, e 45'000 francs da la Corporaziun Energia Engiadina. En tut cuvieran quests sustegns radund 30% dal budget da Nairs.

RR Novitads 12:00