Siglir tar il cuntegn
Inhalt

Engiadina Scuol: Uschè blers giasts sco anc mai … il favrer

La scola da sport da naiv Scuol ha nudà il mais da favrer in record. Malgrà ch'il hotel Schweizerhof cul Robinson Club a Vulpera è stà serrà han els cuntanschì las cifras da l'onn avant anc cun il Robinson Club.

Ina classa da la scola da sport da naiv Scuol.
Legenda: Ina classa da la scola da sport da naiv Scuol. mad

Radund 100 magisters da sport da naiv èn stads engaschads durant il mais favrer en il territori da skis Motta Naluns Scuol. Oravant tut las ultimas duas emnas han els gì tenor Cla Neuhaus il manader da la scola da sport da naiv, sur 700 giast l’emna. Quai è pli u main medem bler sco avant in onn cun ils giast dal Robinson Club, in hotel cun radund 250 letgs.

Er las pendicularas Motta Naluns cuntentas

Dasper la scola da sport da naiv èn er las pendicularas Motta Naluns cuntentas cun la stagiun d’enviern enfin ussa. Tenor Egon Scheiwiller il directur han las pendicularas gì il mais da schaner 16% dapli giasts che anc avant in onn. Il favrer è stà en media dals onns passads quai che munta in fitg bun mais favrer.

RR actualitad 08:00