Siglir tar il cuntegn
Inhalt

Engiadina Scuol vul daventar pli effizient

La vischnanca da Scuol tschertga in promotur d’economia communal. Suenter 3 onns fusiun vul il vitg arrivar pli spert enavant culs projects pendents.

Il simbol da Scuol sin la rondella
Legenda: Il simbol da Scuol sin la rondella RTR, Georg Luzzi

Suenter trais onns fusiun han ins cuntanschì bler. Tenor il capo communal Christian Fanzun sto il vitg daventar però anc pli effizient, tscherts projects ston vegnir realisads ils proxims onns, quels na dastgan betg restar lung temp sin la glista da pendenzas.

Las incumbensas dal promotur(a)

L’organisaziun e coordinaziun dal turissem tranter las fracziuns, l’integraziun dals possessurs da secundas abitaziuns, ma era l’effizienza da la lavur dal vitg sez sto anc sa meglierar. Ina promotura u in promotur d’economia duess esser il man dretg dal capo che analisescha e elavurescha propostas a man dal cussegl communal. Quella persuna vegn suttamessa directamain al cussegl communal e betg a la direcziun.

RR actualitad 17:00