Engiadina - Seger, Baldi, von Arx, Fischer en acziun per la giuventetgna
Cun in eveniment sin glatsch tut spezial han anteriurs giugaders da hockey da la squadra naziunala s’engaschà a favur da las squadras giuvenilas en l'Engiadina e sa mesirà en in gieu da hockey encunter ina selecziun da giugaders da la terza liga.
Legenda:
Matthias Seger, Mattia Baldi e Patrick Fischer pronts per lur proxima acziun.
RTR, Anna Caprez
2 / 14
Legenda:
Il Schlarignot Christian Wohlwend cun Patrick Brunold da Samedan.
RTR, Anna Caprez
3 / 14
Legenda:
Patrick Fischer e Christian Wohlwend ensemen a la banda.
RTR, Anna Caprez
4 / 14
Legenda:
Era sch'il gieu è in d'amicizia, finalmain è l'onur quai che quinta. Er per Mattia Baldi.
RTR, Anna Caprez
5 / 14
Legenda:
La squadra da legendas pronta per la proxima acziun.
RTR, Anna Caprez
6 / 14
Legenda:
Fascinaziun tar ils pitschens per ils gronds.
RTR, Anna Caprez
7 / 14
Legenda:
Ils giuvenils èn stads spalier per tut ils giugaders da la saira, er per Valentin Bissig.
RTR, Anna Caprez
8 / 14
Legenda:
Raeto Raffainer, il co-organisatur da la festa e schef da las squadras naziunalas da hockey.
RTR, Anna Caprez
9 / 14
Legenda:
Il goalie da Scuol, Jon Corsin Rizzi pront per ir en acziun.
RTR, Anna Caprez
10 / 14
Legenda:
Numerusas fotografias per medias e sco bella regurdientscha.
RTR, Anna Caprez
11 / 14
Legenda:
Fabio Baumgartner è stà fitg cuntent da pudair giugar ina giada cun ses cusdrin Corsin Camichel.
RTR, Anna Caprez
12 / 14
Legenda:
Ina constellaziun da giugaders da hockey plitost insolita.
RTR, Anna Caprez
13 / 14
Legenda:
Roger Koch, uriundamain da San Murezzan, en acziun.
RTR, Anna Caprez
14 / 14
Legenda:
Sper autograms haja dà er numerusas fotografias cun ils stars.
RTR, Anna Caprez
Cun temperaturas da bun -20 grads han las duas squadras «Allstars» encunter «Old Stars and Legends» sa duelladas e procurà per trategniment per ils radund 400 aspectaturs en l’arena da glatsch Promulins a Samedan. Daniel Pita da La Punt Chamues-ch aveva lantschà ensemen cun ses conscolar Raeto Raffeiner l’idea da l’occurrenza. In eveniment sin glatsch che duai finalmain er emplenir in pau las cassas dals clubs da hockey.
Emprender dals stars
Ina da las grondas attracziuns per ils uffants è stà il trenament cun il trenader naziunal da hockey Patrick Fischer e l’anteriur giugader dal HCD, Reto von Arx. En il center da la festa è stà il gieu tranter ils anteriurs cracs da hockey ed ina squadra che sa cumpona da mintgamai dus giugaders ord ils clubs da 3. liga. Quai da la Bregaglia fin a Zernez ed er da las squadras Alvra e Bravuogn.
audio
Sportissimo: Daniel Pita da la partida da legendas
03:27 min, ord Sportissimo dals 19.01.2019.
laschar ir. Durada: 3 minutas 27 Secundas.
audio
Gieu legendari a favur da la giuventetgna en Engiadina
03:35 min, ord Actualitad dals 20.01.2019.
laschar ir. Durada: 3 minutas 35 Secundas.
Mauns fraids ed autograms
Avant il gieu da legendas cun participaziun er da Corsin Camichel, Claudio Micheli, Mattia Baldi u er Mathias Seger, han ils promis suttascrit numerusas chamischolas, giaccas e cartas d’autogram. In’acziun betg adina simpla, cun quai ch’ils mauns daventavan svelt fraids.
Intgant e lottaria
Gidà ad emplenir la cassa da las partiziuns dals juniors in Engiadina ha er ina lottaria nua ch’ils preschents han pudì gudagnar ina chamischola dals stars da la NHL, Nino Niederreiter e Nico Hischier. Ultra da quai èn tut las chamischolas dals giugaders da la saira vegnidas intgantadas. Ils imports per chamischola èn fitg variads. Il pli aut ha cuntanschì quel da l’anteriur giugader dal HCD.
400 francs per il tricot da Reto von Arx
Sco che Daniel Pita ha declerà suenter il gieu vul ins repeter l’acziun gartegiada sche pussaivel in auter onn.
