Siglir tar il cuntegn

Header

pendenza maximala
Legenda: La pendenza dals emprims 150 meters da la cursa Corviglia è tar 100 %. D. Hunziker
cuntegn

Engiadina Segirtad ha prioritad sin il «Free Fall»

Per che la partenza spectaculara da la cursa a val na daventia nagin ristg per ils skiunzs, vegn lavurà fin l’ultim mument vid installaziuns per segirar la muntogna per il final dal cup mundial da skis in Engiadina.

Durant plirs dis ha in gruppa da spezialists installà las saivs marcantas oranschas a l’ur da la pista Corviglia. Il pli pretensius èn stadas las fixaziuns da las saivs gist suenter la partenza, l’uschenumnà «Free Fall». Ils skiunzs che sa bittan or da la chamona da partenza cuntanschan numnadamain entaifer be 6 secundas in tempo da fin 140 kilometers l’ura.

En ils mauns da las guidas da muntogna

Per insumma pudair lavurar sin la costa, che ha ina pendenza da 45 %, vegnan ils gidanters professiunals segirads durant tut il temp cun sugas e crapellas. Ils cumonds datti da trais guidas che portan la responsabladad sin la muntogna.

video
Lavurs partenza Free Fall - film: D. Hunziker
Or da RTR dals 16.03.2016.
laschar ir

Betg sutvalitar la lavur

La concentraziun durant il montar e fixar las saivs en il stip, haja dad esser adina cumpletta, sbagls na possian ins betg sa permetter declera Reto Matossi, in dals voluntaris che lavura a la partenza da la cursa a val a San Murezzan.

Cun la rutina vegn ins er malprecaut, la SUVA n’avess betg adina plaschair da nus
Autur: Reto MatossiVoluntari cup mundial da skis San Murezzan

Far pliras stgalas per rivar fin sisum

Per rivar tar la partenza dal «Free Fall» ha la pendiculara da Piz Nair da sa fermar mintga giada aposta tar la staziun che n’è betg uffiziala e cuntanschibla per mintgin.

Ina giada arrivà sin la plattafurma han ins da muntar 187 stgalims per cuntanscher il terren da partenza sin 2’840 meters sur mar. In viadi che è era per ils skiunzs ina pitschna sfida ed in bun trenament.

Artitgels legids il pli savens

Scrollar a sanestra Scrollar a dretga