Andrea Gutgsell candidescha per il post sco president communal a Segl en Engiadin’Ota. Quai ha el confermà a RTR. L’um da 55 onns ch'è creschì si a Samedan e viva dapi 5 onns a Segl saja sa decidì per ina candidatura, suenter esser sa cusseglià cun sia famiglia e ses patrun da lavur, l’Uffizi da scussiun e concurs da la Regiun Malögia.
Tras sia experientscha sco president da la cumissiun da gestiun a Samedan e la lavur sco derschader tar il Tribunal regiunal Malögia durant 12 onns, saja el uss pront per quest uffizi.
Gutgsell vul succeder a Christian Meuli, che na stat betg pli a disposiziun per in'ulteriura perioda d'uffizi. L’elecziun è ils 18 da settember 2020.
audio
Per tadlar: Las novitads da las 12:00
ord Novitads dals 16.04.2020.
Maletg: RTR
laschar ir. Durada: 5 minutas 30 Secundas.
