Siglir tar il cuntegn

Header

audio
Il cudesch da Gian e Nea ha chattà buna accoglientscha
Or da RTR Audio dals 21.08.2021.
laschar ir. Durada: 02:59 minutas.
cuntegn

Segl Gian e Nea – ils gigants da la Val Fex

Quai che ha cumenzà durant ina spassegiada en famiglia in di da plievgia, s’ha sviluppà ad in cudesch per uffants che quinta da las aventuras dals dus gigants Gian e Nea en la Val Fex. L’autur Andrea Gutgsell ha scrit l’istorgia en puter.

Il cudesch duess esser per uffants rumantschs, dentant chapibel era per glieud che discurra tudestg.
Autur: Andrea Gutgsell autur da Segl

Grazia a las illustraziuns da Sabina Cloesters da Schlarigna han las duas figuras er survegnì in’apparientscha visuala. Ils dus gigants sa distinguan tras lur grondezza dals auters Segliots. Marcant èn surtut las ureglias e lur nas che la Schlarignotta ha dissegnà en furma da figuras da comic.

Legenda: Sabina Cloesters ed Andrea Gutgsell cun il product final. RTR, Anna Caprez
Mias duas figuras preferidas èn ils dus gigants. Els èn malgrà lur grondezza uschè charins.
Autur: Sabina Cloesters artista da Schlarigna

Scritta è l’istorgia dals dus gigants da la Val Fex en rumantsch. A la fin dal cudesch datti dentant er ina versiun tudestga resumada. Perquai saja il cudesch adattà per mintgin, suttastritga l’autur. Grazia al resun positiv, è Andrea Gutgsell entant gia vi dal studegiar in’istorgia da successiun per las aventuras da Gian e Nea.

RTR Ura culturala 11:00

Artitgels legids il pli savens

Scrollar a sanestra Scrollar a dretga