Siglir tar il cuntegn

Header

video
Hotel Waldhaus a Segl ha scolà Eritreans ed Eritreanas
Or da Telesguard dals 09.05.2023.
laschar ir. Durada: 4 minutas 1 Secunda.
cuntegn

Segl Hotel Waldhaus ha scolà 12 Eritreanas ed Eritreans

12 fugitivs da l’Eritrea han survegnì la pussaivladad d’absolver ina scolaziun da basa en l'hotel Waldhaus a Segl en Engiadina. Lantschà il project da pilot ha la guvernanta da l’hotel Seraina Gaudenz.

En collavuraziun cun l’Uffizi da migraziun dal chantun Grischun e Progresso da la Hotel e Gastro formation Svizra ha l’hotel Waldhaus engaschà ils Eritreans durant 18 mais per la paja minimala, senza ch’els crodan durant la stagiun morta en la dischoccupaziun. Durant la stagiun auta han ellas ed els pia lavurà en l’hotel, durant la stagiun morta han els pudì far la part teoretica, er en l’hotel.

Diplom porscha novas pussaivladads

Uss han las 12 absolventas ed absolvents il certificat en il maun. Per els signifitga quai d’avair ina scolaziun da basa en il sectur da l’hotellaria e dat la pussaivladad da far ulteriurs pass, uschia Seraina Gaudenz.

Scolaziun betg adina simpla

Il temp da scolaziun haja purtà cun sai grondas sfidas. Concret hajan ils Eritreans gì difficultads da sa laschar manar d’ina dunna ed er da tegnair en reglas saja stà difficil, uschia Isaura Prezzavento, ch'ha instruì la part teoretica durant tschintg emnas. Ils responsabels èn cuntents d’avair absolvì il project da pilot a Segl. La gronda part dals fugitivs restia vinavant part dal team da var 180 collavuraturas e collavuraturs da l'Hotel Waldhaus a Segl.

audio
Eritreans han survegnì diplom da l'hotel Waldhaus
ord Actualitad dals 09.05.2023. Maletg: RTR
laschar ir. Durada: 3 minutas 18 Secundas.

RTR actualitad 17:00

Artitgels legids il pli savens