Sin la via principala datiers da Segl hai dà in accident da traffic cun gronds donns. Sco quai che la polizia chantunala scriva, è in giuven charrà sonda marvegl en direcziun da Malögia cura ch'el saja curt sa durmentà.
L'auto è sin quai ì sur la lingia da mez ora e collidà frontal cun in auto che vegniva encunter. Vi dals dus autos hai dà gronds donns. La polizia ha stuì serrar la via per radund in'ura.