En in'ustaria sin il territori da skis da Furtschellas en l'Engiadin'Ota hai brischà oz a bun'ura. Blessads n'haja dà nagins, il donn da material saja però considerabel, sco la Polizia chantunala communitgescha. Il fieu è vegnì remartgà la damaun cura ch'ils emploiads da l'ustaria sin l'Alp Prasüra levan entrar. 20 pumpiers dals Trais Lejs han però spertamain pudì stizzar il fieu, quai cun agid da Helibernina ch'ha purtà in tanc d'aua, pumpas ed uders al lieu. La raschun per l'incendi saja probabel in problem tecnic.
La Polizia chantunala intercurescha l'incendi.
audio
Per tadlar: Las novitads da las 17:00
ord RTR Audio dals 07.01.2022.
laschar ir. Durada: 4 minutas 39 Secundas.