Segl-Maria - Stagner croda dal tetg en Val Fex

En la Val Fex è in stagner crudà d'in tetg durant lavurar – el è sa blessa grevamain. Gievgia suentermezdi era l'um da 28 onns vi da renovar in tetg-chasa a Fex Crasta. Durant lavurar saja el crudà radund 7 meters, sin in prà cun plattas da curtin, scriva la Polizia chantunala. In helicopter da la Rega ha transportà l'um grev blessà en l'Ospital chantunal a Cuira. La polizia sclerescha co l'accident è capità.