Legenda:
Intginas lavinas èn gia vegnidas a val.
MAD / Uffizi da construcziun bassa
cuntegn
Segl – Plaun da Lej - Via da Malögia mintgamai serrada 11:00 enfin 18:00
Il privel da lavinas tranter Segl e Plaun da Lej creschia pervi da l'aura da primavaira marcantamain il decurs dal di. En consequenza serra l'Uffizi da construcziun bassa la via sin quest traject mintgamai tranter las 11:00 e las 18:00.
Sin il tschancun da 3,7 kilometers pericliteschian radund 14 lavinas la via, hai num en la communicaziun. Intginas lavinas sajan gia vegnidas a val, per part artifizialmain. Dapertut na saja quai betg pussibel da distatgar las lavinas a moda artifiziala. La cumissiun da lavinas saja al lieu e valiteschia cuntinuadamain la situaziun.
Legenda:
Las spundas sut il Piz Lagrev e sur il traject pertutgà (fotografia dals 23 da favrer 2021).
MAD / Uffizi da construcziun Bassa.
Durant la notg possian las lavineras puspè sa stabilisar. Entras las temperaturas fraidas vegnia il privel da lavinas pli pitschen.
Ord l'archiv
L'institut da naiv e lavinas a Tavau ha sviluppà in program cun quel ch'ins sa analisar lavinas. Per perfecziunar mesiras da segirezza è qua in instrument prezius.
