A Segl po vegnir realisà in implant solar sin il tetg da la chasa da scola Champsegl. Plinavant duai il tetg ed il stgaudament da la chasa vegnir sanà. La radunanza communala da mesemna saira ha dà glisch verda al credit da 2 milliuns francs per tut quellas lavurs.
Il stgaudament na funcziunava betg sco previs e duai vegnir adattà. Per motivs climatics sto er il tetg da la chasa da scola urgentamain vegnir sanà. L'implant solar duai producir radund 90’000 uras kilowatt energia. La surproducziun duai ir en la rait publica.
Lavurs cumenzan l'onn proxim
Las lavurs da construcziun duain capitar durant vacanzas da stad e duessan cumenzar l'onn proxim. La planisaziun detagliada duai vegnir fatga durant l'atun.
