Siglir tar il cuntegn

Header

audio
Fusiun Engiadin'Ota: plans da Segl, Silvaplauna e San Murezzan
Or da Actualitad dals 11.11.2021.
abspielen. Laufzeit 3 minutas 16 Sekunden.
cuntegn

Segl/Silvaplauna/San Murezzan Il tema fusiun vegn puspè actual en Engiadin’Ota

Dapi in onn e mez èn las vischnancas da Segl, Silvaplauna e San Murezzan vid examinar las schanzas, sfidas e pussaivladads d’ina collavuraziun pli stretga tranter las trais vischnancas. Sco Barbara Aeschbacher, la presidenta communala da Segl, ha ditg envers RTR han ins elavurà differents scenaris d’ina collavuraziun intercommunala fin tar ina fusiun. Ils resultats duain vegnir preschentads ad in’infurmaziun publica il prim da december.

Pass per pass vers ina fusiun?

audio
Fusiun Engiadin'Ota: Cura vegn la fusiun?
aus Actualitad vom 11.11.2021.
abspielen. Laufzeit 3 minutas 17 Sekunden.

Che las vischnancas dals lais han lantschà la discussiun fetschia plaschair al president da la regiun Malögia, Andrea Gilli. Tenor el datti oz 66 champs nua che las vischnancas da l’Engiadin’Ota collavuran. Ch’i vegnian uss examinadas collavuraziuns er be da singulas vischnancas saja la gista via. Per ina fusiun cumpletta da l’Engiadin’Ota na saja il pievel numnadamain betg pront. Tuttina saja impurtant che las vischnancas sa mettan ensemen e dattan uschia l’impuls per ina discussiun averta.

Survista vischnancas

Avrir la box Serrar la box

Segl

  • ca. 675 abitantas ed abitants
  • surfatscha: 63,54 km2
  • pe da taglia: 80% da taglia chantunala simpla

Silvaplauna

  • ca. 1'130 abitantas ed abitants
  • surfatscha: 44,71 km2
  • pe da taglia: 62% da taglia chantunala simpla

San Murezzan

  • ca. 4'880 abitantas ed abitants
  • surfatscha: 28,69 km2
  • pe da taglia: 60% da taglia chantunala simpla
video
Las vischnancas dals lais en Engiadin'Ota han plans per l'avegnir
Or da Telesguard dals 11.11.2021.
abspielen. Laufzeit 3 minutas 21 Sekunden.

RTR actualitad 06:00;

Artitgels legids il pli savens

Scrollar a sanestra Scrollar a dretga