audio
Segl di gea a planisaziun locala per pussibiltar in hotel a Furtschellas
ord Actualitad dals 25.06.2015.
laschar ir. Durada: 2 minutas 39 Secundas.
Segl di gea a la revisiun da la planisaziun locala cun 75 encunter 2 vuschs.
La decisiun pussibilitescha da concretisar il project d'hotel tar la staziun a val da Furtschellas. La populaziun sustegna plainamain l'idea da construir in hotel. Quai suenter che la suprastanza communala aveva definì la planisaziun uschia ch'ins po fabritgar in hotel pli pitschen che oriundamain planisà. La surfatscha per trair a niz è ussa limitada sin 8000 m2 empè da radund 12'000 m2.
Las pendicularas Corvatsch vulan concretisar ils plans
Las pendicularas Corvatsch Sa èn fitg cuntentas cun la decisiun da Segl. Uschia po Corvatsch ussa instradar plans concrets e tschertgar investiders per l'hotel.
Il chantun Grischun sto anc sancziunar la revisiun da la planisaziun locala.
RR novitads 06:00