Siglir tar il cuntegn

Header

cuntegn

Engiadina Segund scrutini per elecziun da presidi S-chanf

Per la successiun da Duri Campell sco president communal da S-chanf vegni a dar in segund scrutini. Nagin dals 3 candidats n'ha cuntanschì la maioritad absoluta.

Cun ina participaziun da bun 60% han il votants vuschà per l’emprima giada a l’urna davart ils uffizis communals per ils onns 2017-2019.

Largiadèr a la testa

Las pli bleras vuschs per il presidi da S-chanf ha fatg Gian Fadri Largiadèr cun 123. Gian Andrea Bott ha obtegnì 90 vuschs tar il prim scrutini e Peter Angelini 75 vuschs. La maioritad absoluta è dentant tar 146 vuschs.

Vicepresident è elegì

Paolo Bernasconi che era fin uss en suprastanza, ha il suveran da S-chanf elegì sco vicepresident cun 189 vuschs. Cun ina vusch sur la maioritad absoluta da 243 vuschs, ha Roman Parli (nov) occupà l’emprim sez en la suprastanza communala. Jnes Barblan e Liun Quadri han dad ir en cursa cun in segund scrutini per restar en il cussegl communal da S-chanf.

Era segund scrutini per cumissiun da gestiun

Daniel Platzer (nov) ha cuntanschì sco unic cun 208 vuschs precis la maioritad absoluta. Linard Parli e Christian Berger han manchentà ella cun 190 resp. 191 vuschs.

Era las duas candidatas per il cussegl da scola, Nina Defila-Bisaz e Doris Florineth, han dad ir en in segund scrutini. Quel ha lieu ils 27 da november 2016.

RR novitads 14:00

Artitgels legids il pli savens