L’iniziativa per organisar ina cursa da skis da tura e da gianellas è vegnida d’ina pitschna gruppa d’interessents cun il num TTUmbrail. Ina gruppa che absolva oravant tut cursas da skis da tura en il Tirol dal Sid. Uschia è naschida l’idea, d’organisar era en la Val Müstair ina cursa sumeglianta.
La rangaziun da la 2. cursa da skis da turas e gianellas
Da Tschierv enfin Alp da Munt
La cursa sin la pista da skis existenta ha ina lunghezza da 4,4 kilometers. Las participantas ed ils participants han da superar radund 500 meters d’autezza. Radund 100 curriduras e curridurs han prendì part a la segunda cursa dals trais retgs. La maioritad da las curriduras e curridurs deriva dal Tirol dal Sid.
La finamira
Cun organisar quest eveniment vul il team da turas Umbrail (TTUmbrail) animar a giuven e vegl dad ir cun skis da tura ubain cun gianellas. Mintga la mesemna saira organisescha il team ina tura sin l'Alp da Munt (Minschuns) e per quels che vulan era vinavant enfin sin il piz. Il restaurant Alp da Munt resta per els avert enfin las 21:30. Ed a la fin dastgan tuts giudair ina bella skiada da notg fin giu la val.
RR actualitad 08:00