L’inscunter da chant e musica en onur a la chanzun rumantscha è proxima stad dal emprim fin ils trais da fanadur a Zuoz. En il center da la segunda ediziun dal festival è il chant rumantsch, en spezial il chant ladin cun sias ritgas furmas e spartas.
Part da quellas fan il chant da chor, chant da cumpagnia, chant d’uffants e chant en famiglia sco er chantauturs e musica da pop e rock.
Furmaziuns spontantas …
Sper il program cun concerts e musica en differents lieus a Zuoz, tutga er il chantar ad hoc tar l’atgnadad dal «Festival Chanzun Rumantscha».
… e novas ovras
Ina part essenziala dal festival è da promover cumposiziuns novas per ils chors. Ils organisaturs han perquai envidà cumponistas e cumponists da crear cumposiziuns per inritgir la purschida chors. Quellas vegnan valitadas d’ina giuria professiunala e preschentadas durant il festival. La decisiun è tar il public che tscherna sias chanzuns favuritas da mintga categoria.
Quai marscha «Chanzun Rumantscha 2022»
Anc betg ensemen tut ils daners
Per finanziar il festival vegnan budgetà 100'000 francs. Enfin uss han ins rimnà radund dus terzs dals daners neccessaris. Il schef da finanzas Arno Felix è dentant da buna speranza ch'ins vegnia er ensemen cun ils daners averts.