Siglir tar il cuntegn

Header

video
La midada dal clima e l'influenza sin la selvaschina
Or da sil punct dals 15.08.2018.
laschar ir. Durada: 2 minutas 5 Secundas.
cuntegn

Engiadina Selvaschina bada la midada dal clima

Portgs selvadis bainbaud era en Engiadina? La midada da clima è evidenta. In biolog austriac referescha davart las consequenzas da la midada dal clima per la selvaschina.

La midada dal clima è evidenta. Ils motivs e las consequenzas èn però dispitaivlas. Tenor il biolog Armin Deutz da l’Austria datti profitaders e perdents tar la flora e la fauna. En il rom dal Naturama dal Parc Naziunal Svizzer referescha el davart «Selvaschina e la midada dal clima».

audio
Saira: Midada dal clima – stress per la selvaschina
ord Actualitad dals 15.08.2018.
laschar ir. Durada: 2 minutas 20 Secundas.

Profitaders:

Portgs selvadis vegnan probablamain a profitar. Causa las temperaturas crescha dapli pavel era en autezzas sur 1’000 meters. En Austria èn ils portgs gia sin 1’700 meters sur mar.

nas dal portg selvadi
Legenda: Portgs selvadis pudessan rivar era en Engiadina mad

Era parasits profitan da las temperaturas pli autas, sco per exempel las zeccas. Ultra da quai pon malsognas tropicas sa derasar pli levamain – quai pervi dals mustgins che survivan en regiuns ch’eran fin uss memia fraidas per els.

Perdents:

Urblaunas ed il cot selvadi perdan spazi da viver cunquai ch'il cunfin dal guaud va adina pli en si.

Selvaschina d’ungla sfessa vegn ad avair pavel da pli nauscha qualitad pervi che l’erva è pli adura madira e perda pli svelt sia qualitad nutritiva. La selvaschina ha tras quai pli nauschas cundiziuns ed è pli suttaposta a malsognas ed a parasits.

Co vinavant?

Il biolog Armin Deutz è pessimistic e prevesa che pliras plantas ed animals vegnan a svanir causa la midada dal clima. I saja però impurtant da gidar a la selvaschina, era sch’il singul na possia far bler cunter la midada dal clima. Cun bunas zonas da quietezza ed asils da selvaschina pon ins gidar fitg bain a reducir il stress, uschia che la selvaschina ha bunas cundiziuns e daventa tras quai pli resistenta cunter malsognas e parasits.

video
Midada dal clima e las plantas – tests sin il Calanda
Or da sil punct dals 15.08.2018.
laschar ir. Durada: 1 minuta 35 Secundas.

RR actualitad 17:00

Artitgels legids il pli savens