Lavurar da chasa è dapi la crisa da corona ina chaussa da mintgadi. E sco che la lavur n’è betg liada ad in lieu, po la glieud era lavurar per exempel en lur abitaziuns da vacanzas er en las valladas grischunas, uschia Manfred Perlik, professur per geografia a l’Universitad da Berna. Quai saja in exempel da la migraziun verticala. La migraziun da la citad en aut en las muntognas.
Problematica: mancanza da spazi d’abitar per indigens
Cun quai datti squitsch da la bassa sin il martgà d’immobiglias, nua ch'igl è grev per indigens da chattar abitaziuns pajablas. Quella situaziun daventa mo pli precara cun la migraziun verticala. En il seminari vegn discutà sur da questa ma era autras problematicas, che questa migraziun chaschuna. Quai era cun responsabels e responsablas da la vischnanca da Bregaglia.
