A Bever na chattan ins betg grondas attracziuns turisticas sco per exempel in territori da skis. Uschia sa differenziescha Bever bain in zichel dals gronds centers en l’Engiadin’Ota sco per exempel da San Murezzan. Qua emprovan ins da viver in zichel pli ruassaivel en la natira, ma er cun ella. In exempel per quai è la «Senda da parevlas».
Dal vitg da Bever fin Spinas, là nua ch'il tren svanescha en il massiv da l’Alvra, sa chatta la «Senda da parevlas». Tras la bellezza cuntrada da la Val Bever, sper il flum Beverin amez il guaud da Spinas chattan ins sis differents plazs da pausa. La spassegiada che cuzza 4,5 km e munta circa 1 ura ed in quart ir a pe, duai esser in eveniment per ils uffants indigens sco era per ils turists.
Tar mintga lieu da pausa sa chatta ina gronda sculptura d’in artist da la regiun (p.ex. da Not Vital u da Reto Grond). Per gronda part èn las figuras da lain. Medemamain chattan ins pitschens tscheps da laina, nua ch’ins po seser e ruassar ed alura natiralmain, leger mintgamai in'autra paraula ord in grond cudesch. Differents nums: «Diala Mirta», «Il bel Gian» u «Spievlins» èn be trais exempels.