Siglir tar il cuntegn
Inhalt

Engiadina Sent: Arrest d'inquisizun fin favrer per anteriur policist

L'um suspectà d'avair blessà l'ultim glindesdi sia dunna a Sent resta probablamain fin favrer en arrest d'inquisiziun. La raschun per l'arrest è privel da collusiun.

Chasa che arda a Sent.
Legenda: Um che ha blessà dunna a Sent resta probablamain fin favrer en arrest d'inquisiziun. RTR, Dario Müller

Il tribunal da las mesiras repressivas dal Grischun ha decidì che l'um da Sent resta fin maximalmain ils 4 da favrer en arrest d'inquisiziun. Quai ha il pledader da la Procura publica dal chantun Grischun, Bruno Ulmi, confermà envers la suedostschweiz.ch.

L'accusà vegn suspectà urgentamain dad avair comess in mazzament intenziunà. Sco raschun per l'arrest d'inquisiziun haja il pledader confermà, ch'i sa tractia da privel da collusiun. Il privel che l'accusà pudess sa discurrer cun ulteriuras persunas existia e quai veglian ins impedir cun l'arrest d'inquisiziun.

A Sent è vegnida chattada il glindesdi a mezdi ina dunna fermamain blessada. Tenor las enconuschientschas da fin uss, ha il consort da la dunna blessà ella cun in cuntè. En la chasa cuminaivla dal pèr maridà, è curt suenter rut ora in incendi. Sinaquai ha la polizia arrestà l'um.

RR novitads 20:00