Siglir tar il cuntegn

Header

cuntegn

Engiadina Sfida dubla cun cursas da passlung per la Val Müstair

En in mez onn cumenza la Tour de Ski en la Val Müstair. Per la Val Müstair è quai ina gronda sfida cunquai che els ha per l’emprima giada dus etappas e gist era anc dus cursas dal campiunadi svizzer.

Durant ils dis da Silvester e da Bumaun è la Val Müstair en il center da l’interess mundial da passlung. La Val Müstair è per la terza giada lieu da cursa da la Tour de Ski, dentant per la prima giada sco lieu da partenza da la tour. Tras quai sto ella porscher ina pista da sprint ed ina pista lunga.

Sfida pli gronda

Dus etappas en la stagiun auta ha per consequenza ch'ils organisaturs dovran tut ils letgs disponibels, era en las regiuns vischinantas dal Vnuost e da l’Engiadina. Sper ils letgs vegnan ed esser in problem era ils voluntaris manegia Cla Flipp Pitsch, il directur dal comité d’organisaziun.

Betg anc tut

Sper las dus etappas da la Tour de Ski èn planisadas era dus cursas dal campiunadi svizzer da passlung. Quai è l’emprima giada che vegnan fatgas cursas dal campiunadi svizzer en la Val Müstair. La destinaziun turistica e persvasa che la Val Müstair po profitar proxim enviern da ses engaschament sin il sectur dal passlung.

Artitgels legids il pli savens