Siglir tar il cuntegn
Inhalt

Engiadina Sgulads ora e betg turnads

Il chariel da varroa è stà la raschun dal grond mortori dals avieuls en Val Müstair.

Legende: Video Grond cas da varroa en Val Müstair abspielen. Laufzeit 03:00 Minuten.
Or da Actualitad video dals 03.11.2017.

David Conradin posseda 110 pievels a Sta. Maria en Val Müstair, da quels en morts prest 100. Ina perdita uschè gronda n’ha el betg gì enfin oz. La raschun è stada la varroa, quai è in chariel (Varroa-Milbe) che sa tatga sco parasit vi da l'avieul, quai conferma l’Uffizi per la segirezza da victualias e per la sanadad d’animals.

Per far frunt a quest parasit prescriva l’uffizi chantunal cura ch'ils apiculturs han da prender mesiras. Be communablamain saja pussibel d'avair ina schanza dad eliminar il parasit.

Legende: Video Ils avieuls morts da la Val Müstair abspielen. Laufzeit 01:11 Minuten.
Or da Nouvo RTR dals 03.11.2017.

Nagin sustegn finanzial per l'apicultur

Tar l’apicultur è il tractament succedì probablamain memia tard. Davart da l'uffizi chantunal n’èn tals cas betg assicurads, ma l’Uffizi per segirezza da victualias e per la sanadad d’animals sustegna tuttina l'apicultur uschè bain sco pussaivel.

RR actualitad 12:00