Siglir tar il cuntegn

Header

cuntegn

Engiadina Siglientada dal grip Mingèr è grategiada

Dapi Pasca è serrada la via tranter Martina e Vinadi pervi da crudada da crappa. Oz è vegni siglientà il grip Mingèr.

L’emprima crudada da crappa giu da la paraid dal Mingèr è capitada glindesdi Pasca. Lura èn crudads circa 150 meters cubic giu dal grip sin la via chantunala tranter Martina e Vinadi. Dapi lura è il grip dal Mingèr instabil. Ensemen cun ina firma privata ha l’uffizi da construcziun bassa evaluà la situaziun e decis da siglientar il grip.

40 foras emplenidas cun dinamit

Durant ils ultims dis è il grip instabil da la paraid dal Mingèr dador Martina vegnì perfurà e chargià cun dinamit. Ed oz pia è il grip vegnì siglientà. Tras la detunaziun en crudads ulteriurs 350 meters cubic crappa e grip giu sin la via chantunala.

audio
Jon Andri Fliri davart siglientada Mingèr
ord Actualitad dals 20.04.2018.
laschar ir. Durada: 3 minutas 15 Secundas.

Siglientada gartegiada

Curt suenter la siglientada e la vista al lieu han ils responsabels constatà che la siglientada è gartegiada. Tut il material ch'era previs da siglientar è crudà sin la via chantunala. La paraid dal Mingèr vegn uss anc schubregiada, uschia era la via. Sch'i n'ha betg dà dapli donns sin la via po quella puspè vegnir averta per il traffic il venderdi da l’emna proxima, ils 27 dad avrigl.

video
Siglientada spectaculara d’in grip tranter Martina e Vinadi
Or da Telesguard dals 20.04.2018.
laschar ir. Durada: 32 Secundas.

RR actualitad 17:00

Artitgels legids il pli savens