Siglir tar il cuntegn
Inhalt

Engiadina Silvaplauna: Accident da bartga mortal sin Lai da Segl

Mesemna suentermezdi hai dà in accident datiers da Plaun da Lej. Ina dunna da 75 onns n'ha betg pudì vegnir reanimada.

Duas bartgas.
Legenda: Sin il Lai da Segl è ina dunna morta dad in accident da bartga. MAD

La dunna franzosa era da viadi cun ses um en ina bartga plegabla. Tranter la peninsla ad Isola ed il Sasc da Corn ha in suffel tschiffà la bartga. Tras quai è il pèr crudà en l'aua fraida.

La dunna ha curt suenter pers la schientscha. Ses um ha sinaquai pudì trair ella sin ina nav ch'era en la vischinanza. Tut las emprovas da reanimar ella èn però stadas adumbatten. Il medi da la REGA ha sulettamain anc pudì constatar la mort da la dunna.

RR novitads 11:00