Al Piz Polaschin è in alpinist crudà giu la gievgia ed è mort. Cun sa laschar giu cun la suga saja el crudà var 30 meters en la profunditad, communitgescha la Polizia chantunala. Els sa chattavan sin in'autezza da var 2'500 meters sur Mar.
A las 16:55 uras ha la centrala obtegnì l'infurmaziun ch'in alpinist saja sa disgrazià. L’um e ses collega eran en viadi vers il piz. Els han lura interrut la tura perquai ch’igl era gia detg tard. Cura che la Rega è arrivada ha ella be anc pudì constatar la mort da l’alpinist.