La vischnanca da Silvaplauna survegn ina nova canorta d'uffants. La radunanza communala dad ier saira ha approvà il credit necessari da bun 5 milliuns francs. Quai senza cuntravusch.
Il suveran ha ultra da quai confermà en l'uffizi il president communal – Daniel Bossahrd. Quai per in'ulteriura perioda da 2 onns.
En pli han las votantas ed ils votants da Silvaplauna approvà il quint annual dal 2021 che serra cun in gudogn da prest 1,4 milliuns francs sco er la cunvegna da prestaziun per il svilup da la regiun Malögia.
