Siglir tar il cuntegn

Header

video
Silvaplauna paja per trais emnas ils tests a giasts ed indigens
Or da Telesguard dals 12.10.2021.
laschar ir. Durada: 2 minutas 37 Secundas.
cuntegn

Silvaplauna Vischnanca surpiglia custs per tests da Covid

La purschida vala per ils abitants e giasts a Silvaplauna durant las vacanzas d'atun fin la fin d'october.

L’idea da porscher als giasts en Engiadina la pussaivladad da far tests da Covid gratuits aveva er l'entira Regiun Malögia examinà. Fin sin Silvaplauna han dentant tut las autras vischnancas refusà quell’acziun. Quai ord dus motivs principals: betg vulair cuntrafar a la lescha federala e betg tractar different ils giasts ed ils indigens.

audio
Silvaplauna porscha tests gratuits enfin la fin d'october
ord Actualitad dals 12.10.2021.
laschar ir. Durada: 2 minutas 43 Secundas.

Spierta er per indigens

L’acziun da testar gratuitamain a Silvaplauna, quella vala tant per giasts sco er per tuttas e tuts ch’èn domiciliads en vischnanca. Testà vegn mintgamai la saira durant quatter dis l’emna. L’emprim di hajan 50 persunas sa laschà testar.

Questa spierta duai valair sco gest d'appreziar ils giasts.
Autur: Debora Gröble coordinatura da turissem Silvaplauna

La vischnanca da Silvaplauna haja cumprà in pachet pauschal tar il Center medicinal da terapia San Murezzan (MTZ). Quint fetschian els cun 2’000 tests durant il mais d’october, uschia Debora Gröble, la coordinatura da turissem a Silvaplauna. L’acziun na vegnia dentant betg prolungada. Per la stagiun d’enviern dettia bain in center da test, lura na sajan quels dentant betg pli pajads da la vischnanca da Silvaplauna.

RTR actualitad 17:00

Artitgels legids il pli savens