Siglir tar il cuntegn
cuntegn

Engiadina Situaziun a Scuol è sa calmada

La situaziun suenter las malauras da l’emna passada a Scuol è sa calmada. Glindesdi ha la vischnanca infurmà las medias.

En totalmain 8 lieus èn vegnidas giu bovas. Il mument èn stgars 30 maschinas en acziun per rumir las grondas massas da material.

Ils donns sajan grev a stimar, ma tenor Jon Carl Stecher, il manader tecnic da Scuol, muntian quels segiramain a passa 1 milliun francs. La via tranter Scuol e S-charl è anc adina serrada e vegn averta il pli baud sonda proxima. Peduns e velocipedists percunter pon passar.