Ad Ischgl na san ins quest enviern definitivamain betg pli ir cun skis. Il lieu da sport d’enviern en l’Austria ha decis da stritgar dal tut questa stagiun. Quai pervia da la situaziun actuala cun las restricziuns da viadi e la malsegirezza da planisar saja uss pli che mai realistic da pudair avrir il territori, uschia il schef da turissem da Ischgl, Andreas Steibl.
Cuntrari ad auters territoris da skis en l’Austria n’ha Ischgl, ch'è collià cun il territori da Samignun, betg avert il december passà ses territori. La primavaira passada era Ischgl vegnì enconuschent sco hotspot dal coronavirus.
